Aappariinneq anniartitsiffiusartoq

Immaqa aamma illit inuusuttutut allarpassuartullu isumaqalersimavutit asanninneq ajortumillu pinnittarneq imminnut attuumassuteqartuusut. Ingammik angerlarsimaffinni ajortumik pisoqartarnera aqqusaartareersimagukku.

Aappassiariinnerit ajortumik pinniffiusartut makkuninnga ilisarnaateqartarput:

  • Anniartitsisarneq sakkortusigaluttuinnartoq aappariinnerullu sivitsoriartornerani ulorianarsiartortoq.
  • Anniartitsisarnerit nikassaanerillu utoqqatsernernik taamaasiortoqaqqinnginnissaanillu malitseqarajuttarput. Anniartitsereernerup kingorna piffissami qaninnermi aappassiaq asannittutut mianerinnittutullu pissuseqarniarajuttarpoq.
  • Ikinngutigisanit ilaquttaniillu mattunneqarnerup kingunerisaanik ikiortissarsiornissaq ajornarsisinnerulersittarpaa.

Imaassinnaavoq aappassiarpit anniartitsinerminut illit pisuutikkaatit. Tamatumani akisussaaffimminik qimarratiginnissaaq. Tamanna akuerinngilluinnassavat. Pisuutinneqarnerup kanngusunnerullu illit imminut upperinerit mangiartorsinnaavaa. Pisuutinneqarnerup kanngusunnerullu illit aappariinnermit anillariarsinnaanissat ajornarnerulersissinnaavaa.

Arlaatigut killissarititatit suusupagineqartut taamaasioqqajaasoqartorluunniit misigigukku taava periarfissaqarputit akeqanngitsumik Meeqqanut Inuusuttuaqqanullu sullissivimmi siunnersortimik oqaloqateqassallutit, ullut tamaasa nal. 19-21 ammasarpoq, oqarasuaat 134 aqqutigalugu.

Aamma kinaassutsit oqaatsiginngikkaluarlugu Allattarfimmut sianersinnaavutit apersuillutillu. Taava apeqqutitit MIO-mit, meeqqat inuusuttullu pisinnaatitaaffii pillugit sulisunit akineqassapput.

Oqaluttualiami 'Kina ilagigakku?'-mi niviarsiaqqaraq aappassiaminit sangiattumik aqqutseqisumiillu timimigut persuttangaasarnera pillugu atuarsinnaavit