Asanninneq nakkutilliinerluunniit?

Asanninneq tappingersitsisarpoq

Asannileqqaarneq tamatsinnut nuannersuusarpoq, soorlumi silaannarmiittutullusooq misigisimalersitsisarluni.

Kisiannili asanninneq ilaatigut aallartilluariarluni aamma sangiannernik nakkutilliinernillu ilaterneqaleraangami ulorianarsisarpoq – tassami tamanna arlaatigut annersaanermik kinguneqarsinnaalerneranut takussutissaasarmat.

"Uanga illeqartinnagu inuusinnaanngilanga"

"Qimakkaluarumma imminuussaanga"

"Qimakkaluarumma naluara qanoq imminut iliussanerlunga..."

Pingaaruteqarpoq asanninneq nakkutilliinerlu immikkoortissinnaassallugit. Tamakku pillugit maani paasisassarsiorfigisinnaavatit