Qaqugukkut aappassiarisamit anniartitsinerulertarpa?

Aappassiamik anniartitsineq imaaginnanngilaq ataasiarluni assortuunneq imaluunniit ullulussimanerup kingunerisaanik pissuserissaannginneq. Aappassiamik anniartitsinerit inuttut nikassaanerupput arlaleriarlutik pisartut massakkut siornatigulluunniit aapparisimasamit.

Aappassiamik anniartitsinerit tarnikkut, atoqatigiinnikkut timikkullu annersaannikkut piliarineqarsinnaapput. Anniartitsinerit sakkortusiartortutut iliuusaasarput – imatut paasillugu akulikinnerusumik sakkortusiartuinnartumillu unitsinneqanngikkunik pissuserineqaleriartortarlutik.

Anniartitsinerit silaannarmiit nakkartutut inneq ajorput. Aallaqqaataanni tarnikkut anniartitsinerusarput, tamatumani aappassiarisap nakkutigalutillu nakkarsartarlutit. Imaakkajuttarpoq taassumap illit qanoq isikkoqarnissat atisaqarnissallu aalajangiiviginiartalerai, imaluunniit aalajangerniartalerlugu qaqugukkut ikinngutitit ilagisinnaaneritit.

Tarnikkut anniartitsinerit nakkarsaanernik siunertaqarsinnaasarput ikinngutit ilaquttallu takoqqusaajunnaarlutik imaluunniit naqissusiiviginiartarlutit sumukarsinnaanersutit. Kingorna timikkut atoqatigiinnikkullu annersaaninngorsinnaasarput.