Aappassiaalluarpunga?

aappassiama nuannersumik pigaanganga qujaffiginissaa puigortarpara

aappassiama nutaanik kammalaatitaaraangat sinngasarpunga

aappassiara nuanniillioraangat tusarnaarniarnera ajornakusoortittarpara

nutaanik misiliiniaraangat - assersuutigalugu timersoqatigiiffimmut nutaamut ilanngunniarpat itigartittarpara

sianerfigeqattaartarpara, allaffigeqattaarlugu inigisaalu saneqquteqattaartarlugu

ilaquttani kammalaatiniluunniit ilagerusunnerugaangagit kamaammertarpunga

illaruaatigisarpara taaguusersortarlugulu

atisai, nipilersuutit nuannarisai allallu pillugit uparuartortarpara

isikkua illaruaatigisarpara

taama pisoqarsimanera uppernarsinngikkaluarlugu qaninniagaqartutut allasiortutullu pasisarpara

pakatsisimaarnera aappassiannut sorraatsuliorlunga massuallungalu tutsittarpara

kamakkaangama aappassiara milloortarpara annersarnissaanilluunniit sioorasaarlugu

aappassiama sms-ersiai atuartarpakka imaluunniit pigisai soorlu aningaasivia taskialu assattarlugit

naak ilumuunngikkaluartoq isumalunninnut pisuutittarpara

aappassiara susinnaanngisaanut ajuusaartinniarsarisarpara

ilaanni tusaassallugit nuannarinngisaanik anniarisaanillu oqaluuttarpara

nalunngikkaluarlugu ajortumik isumaqarani uannut iliuuserisimasai pillugit nuanniilliortinniartarpara

allat tusaatillugit kanngusaartarpara

nalunngikkaluarlugu perusunngitsoq atoqatigisarpara