Ilisimasatit naammappat?

Niviaaluit arnallu kisimik timikkut anniartinneqartarput?

 

Arnat angutillu inuusuttut tamarmik timikkut annersarneqartarput. Kisiannili arnat taamatut pineqartartut amerlanerujussuullutik.





Aappassianik anniartitsisarnerit inersimasuniinnerusoq atugaasarput

 

Aappassianik timikkut anniartitsisarnerit inuusuttut inersimasuunerusullu akornanni atugaasarput. Ilikkapallakkaani qanoq aappassiariilluarlunilu sissuernissaq pinaveersaartitsinissaq ajornannginnerusarpoq.





Aappassiamik anniartitsineq tassaavoq timikkut anniartitsineq

 

Aappassiamik anniartitsisarnerit timikkut, tarnikkut atoqatigiinnikkullu innimiilliornerusarput. Amerlasuutigut tarnikkut nakkarsaanerit aallarniutigineqartarput, tamatumani aappassiarisap nakkutiginiarlutillu nakkarsaraatit. Tarnikkut nakkarsaanerit qunusaarinninnermik, ikinngutit ilaquttallu alarlugit mattunnermik nassataqariarlutik kingornalu timikkut anniartitsinermik malitseqarsinnaasarput.





Aappassianik anniartitsisarnerit imigassartornerup ikiaroorniutillu qanillisittarpaa

 

Imigassaq toqqaannartumik aappassiariit akornanni pisunut nuanniitsunut pissutaaneq ajorpoq. Taamaattorli imigassap ajornannginnerulersittarpaa ajortumik pisoqarsinnaanissaanut sakkortuneruler-sitsisarpoq.





Aappassiarisaq anniartitsisarpat, taava attorneqartoq nammineq pisuusimassaaq

 

Pissusissamisuulinngisaannassooq inoqatimik annersaasarnerit! Utoqqatsissutissaqanngilaq aappassiarisaq anniartissimagaanni - apeqqutaan-ngilaq kamassimaneq qinngasussimanerluunniit.





Aappassiat unataareersimaguni ilimanaateqarpoq taamaasioqqissinnaanissaa

 

Annersaasarnerit sakkortusiartorajuttarput - imatut paasillugu anniartitsisarnerit piffissap ilaanni unitsinneqanngikkunik sakkortuneruleriartortarput.





Aappassiama asasimagaminga kisimiinnissarput pingaartittarpaa

 

Sangiannerit nakkutilliiniartarnerillu sissuilernissamut ersiutaarajuttarput arlaatigut ajortumut saattoqartoq. Sissuertariaqakkat pillugit quppermi matumani atuakkit.





Aappassiat ilaqutariinni pissakinnerusuneersut anniartitserajunnerusarput.

 

Aapparisat annersaasartut inuiaqatigiinni suminngaanniilluunniit aallaaveqartarput. Taamaattorli annersaasartunik qanigisaqarsimagaanni ilimanaateqarnerusinnaavoq aamma nammineq taamaattunngorsinnaanissaq.





Aapparisamik anniartitsisarnerit kingunipiloqarsinnaasarput, annersarneqartumut anniartitsisumullu

 

Aapparisamik anniartitsinerit tarnikkut anniaateqalersitsisinnaapput, aammalu iisartakkanik eqqissisaatinillu atuipilunnermik nassataqarsinnaallutik. Ajornerpaaffiani imminoortoqarsinnaasarpoq. Annersaasimasup parnaarussaasinnaanissani ilimagisinnaassavaa.





Annersartittaraluarluni aappariinneq aalajangiusimagaanni imaassimassooq ingasappallaarsimassanngitsoq

 

Arlaatigut pissutissarpassuaqartoqartarpoq naak annersartittaraluarluni qimatsinnginnermut. Imaassinnaavoq kiserliulernissaq ernumagineqartoq, imminut tatigineq annikittuinnaasoq, imaluunniit aappassiarisap allatut pissuseqalernissaa upperine-qarsinnaalluni. taamaattumik amerlasuut aappartik anniartitsisartoq qimanneq ajorpaat.