Inooqatigiinnerput pitsaasuua?

sammisannik tapersersortarpaanga

nutaanik misiliinissannut kaammattortarpaanga

iluaagisaqaraangama tusarnaartarpaanga

aamma nammineq inuuneqarnera paasisarpaa

ikinngutima nuannarinngilaat

sammisassaqarpallaarnerartarpaanga

allaffigeqattaaginnavillungalu sianerfigeqattaaginnavittarpaanga

isikkorinnissannut piffissaajarnerartarpaanga

sinngasorujussuanngortarpoq najummatserfiginiartorujussuanngortarlungalu

qaninniagaqartutut allasiortutullu pasisarpaanga

sumiinnera sulerineralu paasiniaannavittarpaa

sunik atisaqarnersunga qanorlu isikkoqarnersunga aqunniartarpaa

sulerissanera kikkullu ilagissanerikka aqunniarsarisarpaa

ilaquttakka ikinngutikkalu takunaveersaartinniartarpai

isumaa eqqoruminaappoq, kamarujussuarsinnarluni nilliaffigisinnarlungalu kinguninngua pitsaalerujussuartarpoq utoqqatsilerlunilu

annilaangatilertarpaanga mianernarsisarlunilu

nikanarsartarpaanga taaguusersorlunga uparuartorlungaluunniit

eqqortumik iliorsinnaanngitsutut misigitittarpaanga ajornartorsiutinullu pisuutittarlunga

allanit nakerineqanngitsutut misigitittarpaanga

ajoquserniarlunga imaluunniit ilaquttakka ikinngutikkaluunniit ajoquserniarlugit sioorasaartarpaanga

uanga pillunga imminut ajoqusernissaminik sioorasaartarpaanga

pigisakka aserorterniarlugit sioorasaartarpaanga

aalattarpaanga, ajattarlunga, annersillunga qimillungaluunniit imaluuniit allatigut ajoqusertarlunga

annilaangatinniarlunga aserorterisarpoq milloortarlungaluunniit

allat tusaatillugit nilliaffigisarpaanga nikanarsartarlungalu

piumanngitsunga atoqatiginiarsarisarpaanga pinngitsaalisarlungaluunniit, imaluunniit killissakka qaangerlugit allatut atoqatigisarlunga