Aappariinnersi unitsikkusuppiuk?

Piffissaq sivisooq atorlugu nassuerutiginiarneqarsinnaasarpoq aappassiarpit ajortumik pisaraatit taamaattumillu qimanniarnissaa aamma ajornakusoorsinnaasarluni. Aalajangeruit anniartinneqartarnerit naamagilerlugu qimattariaqarlugu pingaaruteqarpoq alloriarfissatit pillugit piareersarluarnissat.

Eqqarsaatigiuk:

  • Illit inuunerit aappassiarisarpit isumanninngaanniit pingaarnerummat – ingalassimaguk.
  • Illit inuunerni aappassiarisat initunikooqaaq. Immaqa taanna ikinngutinnut ilaquttannullu sanilliullugu ilaginerusarnikuusimavat. Immaqa qimakkukku kiserliulernissat siooragivat. Ikinngutit oqaloqatigikkit siunissarlu pillugu pilersaarusioqatigalugit, ingammik sammisassat pillugit. Taava ingerlariaqqinnissat ajornannginnerulissaaq.
  • Aapparisat qimakkukku soorunalimi maqaasiumaarpat. Imaassinnaavoq annertuumik imaluunniit piffissap ilaanaani. Tamanna nalinginnaasuuvoq. Allattukkit sooq qimanniarlugu aalajangertariaqarsimanerlutit. Allattukkatit toqqukkit, kingorna sooq qimattariaqarsimanera puigutallassagaluarukku misoqqissinnaaniassagakkit.
  • Aappassiat nakkutilliiniarlunilu sangiattartuussimaguni, ilimanaateqassaaq illit sinnerlutit aalajangiisarsimanissaa. Taamaattumik illit sungiusartariaqarpat aalajangiinissat pillugit pisussaaffeqalernissat.
  • Arlaatigut qunugilersimagukku qimannissi kingunerisassai ernumagalugit taava sooq qunulersimanerlutit eqqarsaatigilluartariaqarpat. Aappariinneq ajortoqarsimasoq unitsinniaraani, aappariinneq ajunngissimagaluartumiit qimatsineq allaanerusussaavoq. Tassami illit imminut illersorniarlutit iliuuseqaatissatit illersorniartariaqarakkit.