Meeraqarussi

Angajoqqaajuguit aammali persuttaaniartartumik najugaqateqaruit inissisimaffitit suli ernumanarnerusimassapput. Tassami imminut sillimmasersornissarpit saniatigut meeqqavit mianerinissaat isumagisussaassagakku.

Persuttaattartut akornanni meeqqat peroriartorsimagunik tamanna timikkut tarnikkullu ajoqutigilersinnaavaat. Meeqqat peroriartornerminni isumaqalersinnaasarput annersaasarnerit nalinginnaasuusut taamaattumillu perornerminni nammineq atugarilersinnaallugit annersaasoqarsimagaangallu pisut taamaattussaannartut isigilersinnaallugit.

Qanoq iliuuseqarsinnaavit?
Aappaqarnermik unittitsiniarneq ajornaatsuinnaasanngilaq – ingammik meeraqarsimagaanni. Aapparisat qimanniarlugu piareersimaguit piareersimanngikkuilluunniit taava meerarisat illersorniarlugu iliuusissatit siunissamut pingaaruteqarluinnartuupput ima qimanniarnagu isummersimassaguit:

  • Meeqqatit pillugit upalungaarsimanissamut sillimmartaarutissatit maleqqissaakkit. Ulorianaatsumut ornitassaqaritsi soorluli aamma imminut isertortumik kalerrittariaqassagussi meeqqavit paasisinnaasaannik piareersimatitaqareerissi qaqugu qimaassappat sumilu ikiortissarsiussappat.
  • Pingaaruteqarpoq meerarisat oqaluttuutereersimassagukku taamatut isiornikkut anniarteqqinneqannginnissaq pineqarmat taamaasiunngikkaanilu ulorianartorsiuffiusinnaasoq.
  • Meerarisat oqaluttuuguk nammineq ajortumik pinnittoqartarneranut pisuussuteqanngitsoq aammalu annersaasarneq akuerineqarsinnaanngilluinnarmat. Aamma asasarisaq taamaasiortarpalluunnniit.
  • Meeqqavit ilisarnaatai pisariaqartitaalu allat nassarnissaanut piareersarsimagit.

Siunniussimagukku aapparisat qimanniarlugu tamanna sioqqullugu pisortanut saaffiginnissuteqarnissat pissusissamisoortuusinnaavoq. Tamatumani pineqarlutik meeqqanut oqartussaaffiit, ineqarnermut tunngasut, meeqqanik takunnissinnaatitaanerit, sillimaniarnissat assingisaallu. Aapparisannit anniartinneqatarsimaguit taava amerlasuutigut inigisassinnut illit salliutinneqarnissat ajornannginnerulersinnaasarpoq. Kommunimi oqartussanut saaffiginnissuteqaqqaarit.