Qimareerukku

Pingaaruteqarpoq illit ajortumik atugaqarsimaninni misigisimasatit suliarigukkit, tassanilu ikiortissarsiornissat pingaaruteqarpoq ingammik aappakorpit eqqissisimatikkusussimanngippatit.

  • Ajornanngippat susoqarsimanera pillugu angajoqqaatit oqaloqatigikkit taakkumi tapersersorsussammatit.
  • Ikinngutitit festeriarniaruit ilagillattaakkit, ingammik aapparisakut takkuteriataarsinnaasoq ilimanaateqarsimappat.
  • Atuarfigisanni ilinniartitsisumik oqaloqateqarit, ingammik aapparisakut aamma tassani atuartuuppat.
  • Arlaatigut sms-ikkut, emailikkut attaveqaatillu allat aqqutigalugit qunusaarutit toqqortakkit, tamakkua pisut politiinut saaffiginnissuteqartariaqalissagaanni pingaaruteqarsinnaammata.
  • Aappakorpit qunusaarlutilluunnit ajortumik pippatit tamanna politiinut ingerlateqqinniarlugu eqqarsaatigilluassavat. Ikinngutit ilaquttavilluunniit arlaa saaffiginnileruit ilagigiuk.
  • Ulorianartorsiortinneqaruit politiit saaffigissavatit.