Aappaqarnerni akisussaaffimmik tigusigit

  • Aappassiarisavit killissarititai ataqqikkit - inuttut naligiippusi.
  • Imminut tatiginerit ajorsimanngippat aappassiat aqunniartariaqanngilat. Tarnikkut timikkullu annersitsisarnerit imminut tatiginnginnermit aallaaveqarsimanerusarput. Misiliguk  imminut tatiginerpit suliarinissaa.
  • Eqqissisimagit. Ingammik aappassiallu assortuussuteqaraanngassi. Arlaatigut imminut aqussinnaajunnaarlutit misigisimaguit tamanna oqaatigissavat oqallinnerlu unitsilaarlugu.
  • Akisussaaffimmik tigusigit. Illit kisivit misigisatit aqussinnaavatit – tamanna kisivit akisussaaffigivat piffissaagallartillugulu unitsissinnaallugu.
  • Imminut salloqittanngisaannarit. Arlaatigut misigisimaguit pissuserisat pillugu ajornartorsiuteqarlutit taava allanik oqaloqatissarsiorit. Tamanna illit aapparisarpillu pisariaqartiissavaat iluaqutigissallugulu.
  • Pissutsit piviusut akuerikkit, qanorluunniit nuanniitsigingaluarpata. Arlaatigut qunusaariutigalutit aappassiat ilinnut asannilersissinnaanngilat. Aappassiarpit asasimanngippatit tamanna akueriinnartariaqassavat – naak anniarigaluarlugu. Pissutsinik akuersinerpit inuunerni ingerlariaqqinnissat oqinninngortingaassavaa. Tamanna ilinnuinaq iluaqutaassanngilaq, aappassiarnulli aamma. Asagukku iluamillu perusullugu aamma taassuma piumasai ataqqisariaqarpatit.
  • Ikiortissarsiorit tamanna pisariaqartissorigukku. Ingammik peroriartorninni timimik atuisarnerit aqqusaartarsimagukkit qanoq iliuusissat anguniarnissaat ajornakusoorsinnaasarput. Kanngungisassaanngillalli tamakkua. Illit pisuunngilatit, taamatullu inuunerit ingerlattussaanngilat. Ikiorneqartariaqarluni nammineq imminut nassuerfigineq nukittussusermik inuunernilu ingerlariaqqikkusussusernik ersersitisuupput.