Imaasiussanngilatit...

Kisimiilluni suut tamaasa isumagissallugit ajornakusoortaqaaq. Persuttangaasimanguit ikiortissarsiorit.

Imaasiussanngilatit:

  • soqutiginngitsuusaarlugit imaluunnit anginerugaluartut suunngitsuunerarlugit
  • aappassiat sinnerlugu utoqqatsissutissarsiornak
  • isumaqalerniaqinak illit pisuullutit – inuk anniartinneqartoq nammineq pisuunneq ajorpoq
  • isumaqalerniaqinak allatut pissuseqaleruit imaluunnit allatut iliortaleruit anniartitsisarnerit unikkumaartut.

Anniartitsisarnerit nammineerlutik uninnavianngillat – akerlianilli sakkortusigaluttuinnarsinnaallutik. Ikiortissarsiorit arlaatigut anniartinneqarsimaguit.

Assersuutigalugu ilinniartitsisut siunnersortilluunniit oqaloqatigisinnaavat. Taakkua ikiorsinnaassavaatsit. Aamma akeqanngitsumik Meeqqanut Inuusuttuaqqanullu sianerfissamut  oqar. 134-mut nal. 19-21 ullut tamaasa sianertoqarsinnaasarpoq.

Iliuuseqarit
Arlaannik oqaloqatissarsisimaguit, paasiniassavat qanoq iliuuseqarsinnaassanerlutit.

Naatsumik oqaatsigalugu annersarneqartarnerit unitsinniarukku periarfissat marluupput:

  • Aappassiat qimassinnaavat.
  • Aappassiarpit ajornartorsiuteqarnini nassuerutigissavaa, qanorlu annersaasarnini unitsissanerlugu immikkut ilinniarsimasunik ikiortissarsiornermigut aqqutissarsiuutissavaa, soorlu tarnip nakorsaanut saaffiginninnermigut.