Imminut tatiginerulerit

Kikkulluunniit periarfissaqarput imminnut illersorniarnerminni soorlu aappassiamut naaggaarsinnaalernissamut, tamatumani illit killissarititatit innimiilliorfigineqarsimappata.

Imminut tatiginerulernissaq siunertaralugu kikkulluunniit sungiusarsinnaapput. Tarnikkut nukittunerup ammasumillu pissuseqarnerup aapparisannit ajortumeerneqarsinnaanerit ingalassimatissinnaavat. Ulluinnarni imminut iliuuserisinnaasatit sakkussatillu nukittorsaavigisinnaavatit.

Matumani atuarsinnaavatit sapiinnerulernissat imminullu tatiginerulernissat siunertaralugu qanoq iliuuseqarsinnaanerit:

  • Akuerisinnaasatit killeqartikkit! Naaggaarsinnaanerit ilinniaruk, ingammik atornerlugaasutut misigisimaguit. Ajornannginnerussaaq arlaleriarlutit sungiusartaruit.
  • Ersarissumik oqaatigiuk suna nuannarinerlugu sunalu akuerisinnaannginnerlugu.
  • Aalajangissaatit pisariaqartitatit isummersuutitillu tunngavigalugit. Tamatumani pinnagit aappassiarisarpit isumai kissaataalu.
  • Imminut upperinerit ersersinniarsariuk aamma piffinni naak imminut tatigivallaanngiffinni.
  • Imminut tusaaniartuarit misigisimaguit tunuarterlutit, ingammik kukkusumik nuannarinngisannilluunniit iliortinneqarnialeruit.
  • Inuttut nukittuuttut pissuseqarnissat ilisimaariuk: Nappaarikkit aammalu ersarissumik oqalunnissat anguniartuariuk, inuit oqaloqatigisatit isaatsigut isigalugit. Taamaasioruit nukittuutut nalilerneqassaatit.

Atuagassiaqarpoq quppersagaqakkamik qanoq iliorlutit imminut tatigerpasillutit pissusilersorsinnaanerit pillugu. Atuakkanik atorniartarfik nittartakkatigut quppersagaqarfii pulaakkit tamakkuninnga ujaasiumallutit.