Aappassiariinnut angajoqqaajusunut

Anniartitsisoqartarnera inersimasut akornaniinnaq pineq ajorpoq. Pissusiviusummi imaapput inuusuttorpassuit aappassiaqarnerminni ajortumik misigisaqartarmata, aammalu annersaasarnerup meeraalluni misigisarsimasap inersimasunngornermi nassarneqaannarsinnaammat.

Aappassiarisamik annersaaniartarneq tarnikkut, atoqatigiinnikkut timikkullu annersaannikkut aapparisamit aapparisimasamilluunniit ingerlanneqartarpoq, imaallunilu unitsinneqanngikkaangami piffissap ingerlanerani sakkortusiartuaarsinnaasarluni.

Aappassiarisamik annersaasarnerit assigiinngitsuusinnaapput. Soorlu qinngasaarinnertut, akornusersuinertut, qunusaarinertut, nakkutiginnilluni atoqatigiinnikkut pinngitsaaliinertut annersaanertulluunniit pisinnaasarlutik.

Tarnikkut anniartitsinerit tassaanerusarput qunusaarinerit, qinngasaarinerit imaluunniit internetti mobililuunniit atorlugit ingerlanneqartut. Aamma kanngunarsarneqarnermik, nakkarsarneqarnermik nakkutigineqarnermik tamakkulu assigisaannik ingerlanneqarsinnaasarput.

Timikkut anniartinneqarnerit tassaasinnaaput ajattaanerit, isimmittagaanerit inuunerlu pillugu qunusaarinninnerit, soorlu qimeriartuusaarneqarnerit sakkullu atorlugit saassunneqarnerit.

Inuusuttuaqqat angutit arnallu aappassiaminnit anniartinneqarsinnaasarput. Tamatumani niviaaluit nukappiaqqaniit anniartinneqarnerusarlutik.