Inuusuttanik oqaloqateqarneq

Angajoqqaajulluni suut tamaasa akissutissaqarfigineq ajorpagut. Kisianni unneqqarikkaani tatigeqatigiinnermut iluaqutaasarpoq. Ernerit/paniilluunniit aperippat, suullu tamaasa akissutissaqartissimanngikkukkit, tamanna nassuerutigigukku ajunnginneruvoq. Paasiniaassallutit neriorsuisinnaavutit imaluunniit eqqarsaatigilluaqqaarniarlugit. Taava kingorna akissuteqarumaarlutit

Quppernermi matumani paaserusutatit pillugit sukumiinerusumik paasiniaasinnaavutit, oqaluuserinneqqinnissamullu piareersarnerullutit.

Apeqqutitsialaat

  • Aappariit nalunngisasi marluk assersuutigisigit – arlai ingerlalluartutut isigisasi, aammali allat naapertuutinngitsumik ingerlaaseqartut. Taakkua immikkoortillugit oqaluuserisigit.
  • Qanoq ililluni anguniagaqarluni assortuuttoqarsinnaava? Oqallinneq sorleq naapertuutinngila?
  • Arlaanik eqqaasaqarsinnaavit, assortuunnermi illit naleqqutinngitsumik pissusilersornernik? Qanormi allatut iliorsimasariaqaraluarpit?
  • Qanoq isumaqarpa imminut tatigineq, killissarititanillu naqissusiisinnaaneq?
  • Tunuarsimaarnerup taavalu qalliuniartarnerup suut assigiinngissutigivaat?
  • Illit tamatumani sumi inissisimavit, sorlermut eqqaanarneruit?