Qanoq iliuuseqarsinnavisi?

Immaqa angajoqqaattut nuannarivallaanngilat ernernut paninnulluunniit aappassiariit akornanni anniartitsisoqartarnerata oqaluuserinissaa. Tassami ersitikkusunnginnakkit. Inersimasut amerlasuut tamassuma eqqartornissaa paquminartutut isigisinnaasarpaat.

Inuusuttortannik oqaloqatiginnissutigineratigut periarfississavat aappariilernermi nuannersumik ajornartorsiutinillu ingalassimaarinninnissamut nukissaqarnerulernissaat.

  • Paasigukku inuusuttut aappassiaqarnissaminnut soqutigisaqalersimasut oqaluuserisassaq pillugu oqaluuserinninniaruit aallartissutigikkit aappariittarnerit nuannersut. Arlaatigut ajortut pillugit tusagassiuutitigut qanigisassinniluunniit samminnittoqarnikuusimappat, tamakkuli inuusuttortasi ilisimasaqarfigippassuk, taava oqaluuserisassap kivinnissaanut tamanna aallarniutigisinnaavat. Inuusuttoq aperiuk qanoq tamakku ilisimasaqarfigitiginerai.
  • Misissoqatigiissutigisigit aappassiariinnermi pisinnaatitaaffiit akisussaaffiillu, taamatullu aappassiariinnerit nuannersut pillugit. Inuusuttut peqatigalugit eqqartorsigit imigassaq qanoq ajortumik nassataqarsinnaanersoq – aamma aappassiariinnerit iluanni.
  • Meerarpit aappassiaqarnera pillugu toqqartaariniaqinak.
  • Paniit ernerilluunniit kamallunilu tujormissuteqarpat taava paasiniaruk sooq taamak inneranik.
  • Inuusuttunut nalinginnaasuuvoq ikinngutiminnut sorpassuarnik oqaluuserinnittarnerat, aamma angajoqqaanut sanilliullugu.

Aappassiariinnermi ajortoqarneranik takussutaasartut pillugit atuaqatigisigit.