Oqaannarit

af: Sørine Steenholdt

Malugisariga kamassaleraangat. Avaanngunartumik anersaaruluttarnera. Kamaateqarnerminik tusaaqqugaluartoq. Angerlarsimaffik nipaallisarpoq, oqartoqarpiassaarluni, soorlu nalunagu oqarnaveersaartussaalluni. Soorlu oqaaseqaraanni suna tamarmi qaassasoq. Qungasikkut qimeqqatittutut misigisimaneq, ipiaannguneq. Qimaarusunneq. Tassalu susinnaanani.

Ajunngilaq igaffimmi nikorfasunga ikiorfissaqarnanga ersisunga isiginnaarniannga, tamanna nuannarigukku. Tunniutiinnaqqasunga naakkinnissuseqarnak nuannariinnarlugu isiginnaarniannga.

Sanianut ingikkusunnanga igaffimmi suliaqarniaannavippunga, tusaasinnaagakkumi anersaaruluttarnera ilisaralugu, nalunagulu qanoq isumalik. Soormita oqaannarsinnaanngila suna pinerlugu - soormita saallunga sallaatsumik pilluni aniatitsisinnaanngitsoq ? Sunaana ajornartorsiutigigaa ?

Pissangavunga, uummatiga aallaamavoq. Sunamitaavaana isumaluutigigaa ? Naluara suna eqqoriassanerlugu. Ulluni kingullerni sugama ? Kukkugama ? Eqqaamasakka tamarmik ajunngikkaluarput, eqqaasassaqanngilangalu sumik isumaluutigisinnaasaanik. Annilaangavunga arlaanik sumik nalusannik tusagaqarsimassasoralugu, uffalu pillunga ajortumik tusagassaqanngitsoq.

Errukkakka allarterikka, immiartorfimmik tigusivoq, suli taamatut anersaaruluttarluni, matusassallu matuneqarsinnaasut tamaasa matorlunniakujuttarlugit. Nalunngilara apereqqusoq sunerminik, apererusunngeqaaralu nalunnginnakku ajornartorsiutiginiagaa suunngitsoq. Ajoraluartumilli nalunngilara aperineqanngiinnaruni nammineq apersulissagaanga paaserusutani pillugu.

Læs kommentarer

Aappariikkaanni najuinnavillunilu pissutsit isikkullu aapparisami atuaqqajaanarsisarput. Kamassimarpasimmat arnaq inuusuttoq annilaangavoq. Ajortoqartoq malugisinnaavaa. Angut nammineerluni susoqarneranik oqaaseqanngippat arnap eqqarsaatigilissavaa. Annilaangalluni ernumaleraanni nuanniitsoq ajornerulersinnaaveersaarneqartarpoq. Ersisorujussuanngoraanni susinnaajunnarluni. Annilaanganeq millisinniarlugu susoqarneranik aperisinnaavoq. Angut arlaannik naammaginngisaqarpasippoq. Aperineqanngikkuni soqutigineqanngissorisinnaavoq malitsigisaanillu iluamik ammarsinnaanani. Nakuusertoqartarpat arnaq qimagunniapallassaaq nakuusertoqalersinnagu.

Igaffimmi suliassaarutivikkiarama, sofamullu sanianut ingikkusunnanga, nerisarfimmut ingippunga ungasinniavillugu, paasitikkusukkaluarlugu pissusaa eqiagalugu.

Angerlamut aqqutaani ajunngitsigaluta nuannaarluta illartarlutalu, isiinnartugullu allanngornerput peqqusiileqinakujuppoq. Soorlu immaqa taamaattuussanngikkaluartugut. Inuimmita qanoq isigisarpaatigut.

Immitsinnut isikkut toqqarluta qiviarsinnaanata inimi isersimaqatigiippugut, nipituaq tusaaneqarsinnaasoq tassaalluni fjernsyni. Qamippaalu. Imminut sammeqqulluni, allamut sammeqqunanga. Allatummi ajornaqaaq, qimaaffissaqanngilanga.

Kiaguk nillertoq ilisimagukku, marserneqarlunilu kukkunaveersaarneq ilisimagukku - tassa uanga. Soorlu kukkulaaraanni tassa pisuussalluni, suna tamaat pisuussutigissallugu.

Nallanngavimminiiginnarluni isiginangalu apersulerpaanga: Sooruna ? Pilerpara: Suna ? Sooruna taamaattarpit ? Qanoq ? Taamatut. Akeqqipara: Paasisinnaanngilara suna pinerit. Sallunak. Nalunngivippat. Iluamik oqariarit suna pinerlugu paasiniassavakkit. Nalunngiivippat suna pineriga nalusuusaarnagu.

Akinnut ingippoq toqqarlungalu nakkutilerlunga. Suna ? Sugama ? Aperigaluarpara. Allaanerluunniit ajoravit asuli kamaanniaannarlutit taamaasiortartutit, sussuteqanngitsunga, sumik isumaqanngitsunga tassanngaannaq allanngoriasaarlutit, persaralunga, iluamillu oqassanak suninnik. Sapiillisaavillunga oqaluppunga, neriukkaluarlunga suna pineraa paasikannersinnaassallugu.

Tassa isumaqarputit sianiitsuusunga ? Isumaqarputit sulisaravit aningaasarsiorlutit uanniit silatunerullutit ? Isumaqarputit sianiinaarsinnaallunga ? Nalunngilara suliffinni susartutit. Suusoraat, illeqanngikkaluarpat inuunera oqinnerulluni. Isumaqassanngilatit erlinnapajullutit. Naak akiliutit ? Taama nipipalaalerluni oqaluffigeriarlunga kaasarfikka misissoramigit akiliutiga nassarlugu anivoq. Nalunanngilaq sumunnartoq.

Læs kommentarer

Aappariinni tamanik susunik ammasumik eqqartuisanngikkaanni, eqqoriaaqattaarneq pilersarpoq. Eqqissilluni susoqarneranik oqloqatigiinneq uani iluaqutaassaaq.

Angerlaramik pissusaata allanngornerata takutippaa arlaannik ajortoqartoq.

Arnap aapparmi qanoq eqqarsarnera eqqoriarsinnaanngilaa. Inuulluta assigiinngilagut. Ersarissumillu nassuiaasarnissarput pingaaruteqarpoq paasineqarumalluta.

Arnap aappani oqaloqatigerusunngippagu allanillu suliaqarluni, ajunngilaq. Oqaloqatigiissagunik tamarmik soqutiginnittariaqarput. Aappaalluartoq oqaloqatigiikkusunnginnermut ataqqinnittarpoq aappap piareernissaa utaqqillug

psychologist-name-goes-here-as-the-alt

SøRINE STEENHOLDT